Urtero askotariko diziplinetatik datozen ikasleak jasotzen ditugu: zientzia politikoak, zuzenbidea, hezkuntza, komunikazioa, soziologia, filosofia, historia, ingeniaritza, ingurumen zientziak... Horietako zenbaitek doktore aurreko kontratua dute eta doktorego tesia egiten ari dira, eta beste asko erakunde eta fundazio ezberdinetan daude lanean. Masterrak herrigintza eta naziogintzako etorkizuneko erreferenteak trebatzeko helburua du.